POLICE D’ASSURANCE POUR UN VOYAGE DU NAVIRE LE JULLIEN, 90 TONNEAUX, POUR ALLER À LA PÊCHE À TERRE-NEUVE.

 

10 janvier 1656                    (Notaire Abel Cherbonnier)

 

NOUS les Asseureurs icy sous-signés, promettons & nous obligeons, d’asseurer & asseurons, a Vous Pierre LECLER _

marchand demeurant a la fosse de nantes et conSortz bourgeois du navire le Jullien _

à sçavoir, chacun de nous, la somme par luy icy dessous declaré sur tout led.~ navire nommé le Jullien de la ville _

de nantes du port de quatre vingtz dix thonneaux ou environ duquel est me apres dieu _

nicolas VILLIERS des sables dolonnes et sur tous et chacuns les aparaux et ustanciles _

dud.~ navire vituailles et marchandises qui sont et seront dans Iceluy, et sur quatre _

pieces de canon, cinq pierriers dix huict mousquetz dix huict picques qui Sont dans led.~ _

navire le tout durant le voyage quil est prest de fre du port de launay ou Il Sur lad.~ _

riviere de nantes ou Il est a pnt po.~ aller a la pescherie a terre neufve Sur le banc _

et battures lan pnt et fre son retour droitem.t [texte illisible] _

Lequel Risque courons & prenons en nostre charge, depuis le iour & heure que lesdites marchandises seront chargées ou embar- _

quées, pour mener au bord de ladite Navire, ou Navires, & en icelle chargées : durera iusques à tant que ladite Navire soit ar- _

rivée audit Port de nantes retournant dud.~ voyage _

& lesdits biens & marchandises soient déchargées en terre en son sauvement, sans aucun dommage : Et accordons que ladite Na- _

vire, ou Navires faisant ledit voyage, pourront naviger avant & arriere, à dextre & à senestre costé, faire toutes escales & demeures, _

tant forcées que velontaires, selon que bon leur semblera audit Maistre, Capitaine, ou Pilote de ladite Navire, _

Laquelle asseurance susdite, nous Asseurons courons de tous perils de Mer, de feu, de vents, d’amis, d’ennemis, de lettres de mar- _

que, & de contremarque, d’Arrests & detention des Roys, & Princes & Seigneurs quelconques : aussi de Baraterie de Patron Mai- _

stre & Marniers, & generalement de tous les autres perils & fortunes qui pouroient advenir en quelque maniere que ce soit, & que _

l’on pourroit imaginer, nous mettans de tout en tout en la place de vous ledit LECLER et consorts _

pour vous garentir & indemner de toutes pertes & dommages qu’advenir pouroient. Et advenant le cas autrement, le bien aus- _

dites marchandises, ou parties d’icelles (ce que Dieu ne veuille) promettons & nous obligeons alors de payer & rembourser à vous, _

ou au porteur de cestes, toutes les pertes dommages qu’aurés receu, à l’advenant de la somme, par chacun de nous sous signée : à _

sçavoir si bien le premier de nous comme le dernier & ce dans les mois prochainement ensuivans, apres que serons deuement _

informés de la perte ou dommage advenue en ceste asseurance : & en tel cas donnons, & chacun de nous donne pouvoir & man- _

dement special à vous ledit LECLER et consorts _

ou à vostre Commis, pour si bien à nostre dommage que profit, mettre la main à la salutation & benefice desdites marchandises, & _

promettans en tout evenement de payer les frais & despens faits à la salutation & benefices d’icelles marchandises, soit qu’aucune _

chose se recouvre ou point. En adjonstant foy & entier credit au compte & ferment de la personne, ou personnes, qui auront fait _

lesdits frais & despens, & confessons estre payés du prix de ceste asseurance, par les mains des vous henry BRUNE _

à raison de seize – 16 – pour cent, le tout en bonne foy, sans aucune fraude ou mal engin _

selon & suivant la forme des Ordonnancesfaites par les Estats de Holande, & selon la coustume de la Bource d’Amsterdam, ne _

contraincts a icelle. Et pour ce obligeons tous nos biens avec renonciation, en bonne foy & serment à toutes exceptions & cauil- _

lations contraires à ces presentes. Ainsi faict a la Rochelle Ce 3e Janr 1656. _

 

6000    Pour                 Je suis comptent de courir Risque en la Pollice dasseurance cy dessus _

            que dieu garde pour la somme de six mil livres tz fait les Jours & an Susdits, _

                                                                                                            signature (paraphe)

400lt    pour la Somme de quatre Cent Livre que je suis Content de Courir Risque en la  poliSe _

            sy deSus que dieu garde fait le jour & an sud.,   

signature (paraphe)

300lt    pour La Somme de trois Cent Livre que je suis Content de Courir Risque en la poliSe _

sy deSus que dieu garde fait Le jour & an Sud. _

                                                                                                Brevet (paraphe)

250lt    Je suis contant de Courir Risque ez La pollice cy dessus que dieu garde de La Somme de _

deux cents cinquante Livres fait Le Jour & an sud. _

                                                                                                signature (paraphe)

250lt    Pour la Somme de Deux Cents cincq.te Livres dont ie suis comptant de Courir risque en La preSente pollice que dieu garde _

           fait le Jour et an SuSd. _

                                                                                                            Robert

 

Le Lundy dixiesme Jour de Janvier mil six cent cinquante six. _

                                                                                                            Chambert (paraphe)

 

Source : AD17, Minutier Abel Cherbonnier (3 E 300)

_____

 

Déchiffrement effectué par : Guy Perron, paléographe