CHARTE-PARTIE ENTRE JEAN HUISSEN ET PIERRE GAIGNEUR POUR LE VOYAGE DU NAVIRE L’ANGE BLANC DE FLESSINGUE, 180 TONNEAUX, AU CANADA.

 

1er février 1664                    (Notaire Pierre Teuleron)

 

Pardevant Pierre TEULERON notaire tabellion royal et Gardenottes hered.re en la ville et _

Gouvernement de la Rochelle Personnellement establys Jean HUISSEN maistre apres dieu du _

navire nommé lange blanc de flessingue en hollande du port de Cent quatre vingtz _

thonneaux ou environ parlant par lorgane du s.r david DE COUR marchand de cette ville _

bien parlant et entendant les langues francoise et flamande et qui luy sert en ce rencontre _

d’interprete dune part, et le sieur Pierre GAIGNEUR marchand de la ditte ville dautre _

part, Entre lesquelles Partyes à este faict et passe le Contract de fret et charte partye _

qui sensuit; Cest aSSavoir Que led.~ maistre à loue et fretté le Corps de sond.~ navire _

quil a dict estre de present a la palisse muny et Equipé de tous et chacuns les _

apparaux servans à sa navigaon Audit sieur gaigneur ce stipulant, Pour _

le temps et espace quil conviendra employé à faire le voyage de Canada _

ou led.~ sieur espere faire aller led.~ navire, Sur lequel navire sur led.~ navire _

mettra les maistre et equipage que bon luy semblera des le premier Jour et dans _

lequel il Chargera Icelles marchandises et vituailles quil voudra pour lacomplissement _

du voyage quil espere faire faire audict navire de ceste radde sauf les perilz _

risques et fortunes de la mer et de la Guerre Jusques au pais du Canada po.~ faire _

descharge de le.~ marchandises, et ce faict en rechargé dautres dans Icelluy navire _

pour en Suitte faire son retour en et decharge en Cette ville; ledict Present frettement _

ainsy faict entre les partyes pour et moyennant la somme de huict Cens livres _

tournoys pour chacun des mois qui seront employés à faire led.~ voyage a Compter _

du la premier Jour davril prochain assuré des a present pour six mois qui seront _

tousjours payés soict que led.~ voyage fust plustost faict xo, et cent livres pour les _

chausses et pot de vin dud.~ maistre, dont du tout Icelluy maistre sera payé Incontinant _

son retour et livraison desd.~ marchandises en baillant par prealable par led.~ sieur _

fretteur bonne et suffisante Caultion pour la plus Grande seureté du payement dud.~ _

deu, ou en tout cas laissera dans led.~ navire suffisamment de marchandises pour le _

nantiment dicelluy, oultre cela sera payé des avaris aux uz et Coustumes de la _

mer, Pendant lequel voyage led.~ maistre et son fils feront leur logement dans la _

dinette et seront nourris aux despens dud.~ sieur fretteur, Aussy bien que son contremre _

lequel en oultre aura vingt livres de gages par chacun desd.~ mois qui seront employé _

à faire led.~ voyage //, Sera de plus tenu et obligé led.~ sieur fretteur dacquitté _

led.~ maistre du droit de cinquante Sols qui se levent de pardeca sur les navires _

etrangers, Comme aussy de tous autres droitz et tripotz qu’on pourroit Ce Rendre tenu _

à Raison de sond.~ navire sans Aulcune diminuon dud.~             ; et advenant que led.~ _

sieur fretteur ou le m.e et equipage quil mettra sur led.~ navire               _

en ce cas Icelluy s.r fretteur sera tenu advancé lad.~ perte au dire de gens à ce Connoissant _

aussy bien que du divertissement ou Il en seroit faict des apparaux dud.~ navire desquelz _

Inventaire sera faict Au plustost; et pour lexecution des presentes led.~ me Eslire son _

dom.lle Irrevocable en Cette ville en la maison dud.~ sieur DE COUR pour y recevoir tous _

actes et exploictz de justice requis et necessaires                   telle force et valleur                    _

estoient faictz à sa propre personne et dom.lle ord.re, tout Ce que dessus a este _

Stipullé et accepte par lesd. partyes et a ce fre et accomplir par Icelles Sans y _

venir Au Contraire a peine de tous deSpens domages et Interets ont obligé ­_

& touts leurs biens pnts et futurs, Speciallement led.~ navire, marchandises _

et fret sans que la generalite & Renoncant & jure & condampné & faict _

a la Rochelle en lestude dud.~ no.re Apres midy le unziesme febvrier mil six Centz _

soixante quatre presans Jean BANCHAUD et nicolas TURGUÉ clerqs dem.t. _

xo et le parSus de temps au prorata. // Aura led.~ maistre la liberté de _

mettre dans led.~ navire trois thonneaux de portage tant en allant q. revenant _

et provenu d’iceux Pour le Retour

 

pierre gaigneur (paraphe)            Jan huiSSen                       david deCourt (paraphe)

     Turgué (paraphe) pnt                                         Banchaud (paraphe)

                                                            Teuleron (paraphe) nore Ryl

 

Source : AD17, Minutier Pierre Teuleron (2 MI 428, R. 448)

_____

 

Déchiffrement effectué par : Guy Perron, paléographe